.svg){kind=small}
11. febrúar 2026
Á Menntadegi atvinnulífsins (Menntadagur atvinnulífsins) 11 febrúar 2026, undirrituðu mennta- og barnamálaráðherra Inga Sæland og skólameistari Tækniskólans viðauka við samkomulagið frá 2024 um byggingu nýja Tækniskólans í einum áfanga um 30.000 fermetra.
Fulltrúar Tækniskólans og Skólastrætis Tækniskólans fagna þessum áfanga sem er fram kominn eftir náið samráð við fulltrúa í mennta- og barnamálaráðuneytinu undanfarin misseri. Í samtalinu hafa fulltrúar Tækniskólans ítrekað mikilvægi þess að byggja Tækniskólanum viðeigandi húsnæði fyrir alla núverandi starfsemi skólans. Með áfangaskiptri framkvæmd hefði skólinn verið neyddur til að halda áfram starfsemi á fleiri stöðum, leigja áfram um 5.500 fermetra á öðrum stað og stæði frammi fyrir mun dýrari framkvæmd.
Eins og kemur fram í tilkynningu Stjórnarráðið | 30.000 fermetra Tækniskóli byggður í einum áfanga, verður öll starfsemi skólans sameinuð á einum stað, í framúrskarandi og nútímalegu húsnæði, sem mun efla iðn-, starfs- og tækninám á Íslandi.
Að sögn mennta- og barnamálaráðherra, Ingu Sæland er "Stækkun Tækniskólans í Hafnarfirði er ekki munaður, hún er nauðsyn. Við viljum reisa skólann hratt og vel, í fullri stærð og eyða allri óvissu þar að lútandi. Við viljum ekki bútasaum heldur láta verkin tala með markvissri uppbyggingu, hér á höfuðborgarsvæðinu"
